Keväja omma ilma õks tuulitsõ ja 12. aprillil oll ka vihmanõ ja tuulinõ, kui „Sõsarõ” vabaõhumuusiumi ´ Kolu kõrtsi mano kokku tull´. Meid oll´kutst laadalistõle laulma.
Kõrtsih rahvas kuuh ja kullit pallo. Mi leelokuur oll valmis saanu uma plaadiga ja hüa meelega lauli inne pallo harotöt laulõ. Latsil oll huvi Rinese lõõtsa vasta ja mõni tõmmas pilligi.
Mi laul läts õks ilosahe, tantsmisõ jaos ruumi olõs ja nii keerudigi oma tsõõri-tsõõri hinda ümber.
Mi leelotamisõ aigu läts ilmgi ilosas ja päiv tul välla. Kävemi ja kaie mi ka, mida hüvva laadal müvvas. Oll õks igatsugust kraami. Savikruuse ja vaase, värvilitsõst klaasist jalgu küünlide jaos, puust korve ja länikit ja soolatuusõ, koetu kinda ja soki – lavva olli kraami täus. Inmisõ kaie , a osteti veedokõsp- inne oll just vabariigi´h teedä antu, et meil om majanduskriis. Inõmisõ hoidsõ rahha kokko.